Fisioterapia Cinesia Noia 0 - 3 Turismo de Vigo: os parciais foron os seguintes: 15-25/22-25/27-29. Foi un partido moi intenso ó cal o equipo de Noia se presentou moi mermado debido á ausencia de 4 xogadoras por diversos compromisos. Xogaron: Leo, Lucy, Crichi, Pachi, Lucía e Patri. Acudían á cita un pouco desanimadas pola escasez de xente e tamén porque a maioría tería que xogar por unha posición que non era a súa. Pero as rapazas fixéronlle frente a un equipo de fev con moita forza e case conseguen impoñerse no segundo e terceiro set. A maior efectividade do equipo visitante en ataque foi decisiva e o resultado de 0-3 non reflexa de todo o que ocorreu no campo.
Noia 3 - 1 R+F Voley Magenta Riveira: partido amistoso entre dous equipos aspirantes a gañar a liga de segunda como son o CV Noia e o R+F Voley Magenta Riveira. Encontro igualado por momentos pero levado adiante polos rapaces do Noia gracias ós bos saques e ós contundentes ataques; todo isto con só tres días de entrenamento conxunto, así que ainda é pronto para sacar conclusións. Xogaron por parte do CVNoia: Ivo, Quique, Chino, Cholo, Tito, Noel, Maki, Moncho, Alvaro e Mourís.
Este fin de semana terá lugar a revancha na cancha do Riveira, así que ¡sorte para os nosos xogadores! Tamén as rapazas xogaran un encontro de pretemporada contra o Zalaeta de Coruña que milita na primeira división ó igual que as de Noia (sábado as 17.30 horas no PM Sagrada Familia).
Cambiando de categoría, as nosas infantiles comezaron a súa liga este sábado 11 de outubro. Enfrontáronse ó Xuvenil de Teis ás 12.15 horas no pabillón Alonso Rodríguez, encontro que rematou co seguinte resultado: 1-3 (8-25/6-25/25-23/10-25). Na seguinte xornada (sábado 18 de outubro) xogarán contra o Zalaeta A na Coruña ás 16.00 horas, no PM Sagrada Familia.
Nota: búscanse rapaces (cadetes ou xuveniles) para facer polo menos un equipo máis. Contactar con Liboreiro (609 822 429).
Este sábado 25 de outubro, o CV Noia de 1ª División Feminina disputou un encontro amistoso contra o Autos Rico Universidade de A Coruña no Pabillón de Deportes do campus de Elviña. Despois da derrota fronte ao Antalsis, debido principalmente a erros na recepción, as xogadores de Noia foron mentalizadas e conseguiron impoñerse ao equipo local por un axustado 2-3. Xogaron polo CV Noia: Leo, Lucy, Lucía, Rocío (Líbero), Ania, Carolina, Patri e Marga. Baixas: Lucía (de viaxe) e Crichi e Pachi (motivos personais). O saque segue sen estar coma a temporada pasada na que foi un dos puntos fortes deste equipo, pero a recepción funcionou e o ataque tamén empeza a definirse. Pouco a pouco as xogadoras van rodando e esperemos que para o primeiro partido de liga, o 15 de novembro contra o Fortuna Kirol Aukera en San Sebastián, estean xa en forma.
