FISIOTERAPIA CINESIA NOIA VS AUTOS RICO UNIVERSIDADE DA CORUÑA

Este sábado 22 de novembro xogouse no pabillón Alonso Rodríguez de Noia o encontro correspondente á segunda xornada da liga de Primeira División Feminina, rematando con un resultado de 1-3 para o equipo da Coruña (15-25/17-25/25-18/13-25/0-0). Comezaron as nosas mal o partido non sabendo responder ao saque do equipo contrario facendo que o set se decantara do lado visitante en pouco tempo. Souberon reaccionar no segundo mellorando a recepción e así conseguir atacar, cousa que no anterior set non fora posible. Pero soamente foi un espexismo posto que nos seguintes tempos a historia voltou a repetirse e a recepción brillou pola súa ausencia chegando o equipo contrario a facer ata 5 puntos seguidos de saque. As nosas xogadoras seguen sen atopar o seu sitio no campo en algo que en teoría debería ser o noso punto forte, e que está sendo o contrario. Así que soamente queda seguir entrenando e seguir rodando que ainda queda moita liga e aínda acabamos de comezar. Xogaron polo Clube Voleibol Noia: Leo, Lucy, Crichi, Lucía Adán, Lucía Del Río (Líbero), Anette, Pachi, Ania, Rocío, Patri, Marga e Carolina. Outros resultados da xornada: Universidade de Salamanca - A.D. Los Campos: 3 - 1 (21-25/25-22/25-19/25-17/0-0), CDE Castañeda - Fortuna Kirol Aukera: 3 - 1 (26-24/26-25/25-27/25-22/0-0).

O equipo sénior de segunda descansou nesta xornada e enfrontarase o sábado 29 de novembro ao EMEVE Lab. Nupel en Lugo.

As nosas xuvenilas perderon contra o CD Conxo en Santiago nun encontro no que o resultado final quedou da seguinte maneira: CD Conxo 3 - 0 CV Noia (25-15/25-17/25-14). Na próxima xornada o equipo descansa.

Na Liga Galega Infantil feminina, o CV Noia enfrontouse ao AD A Pinguela A este sábado 22 de novembro ás 12.15 horas no pabillón Alonso Rodríguez de Noia. O resultado foi de 0-3 para as lucenses cos seguintes parciais: 10-25/6-25/6-25. Na próxima xornada enfrontaranse ao XAV Cambados A.

PRIMEIRA XORNADA DE LIGA SÉNIOR

Os dous equipos sénior do Clube Voleibol Noia comezaron a temporada de voleibol 2008-2009 este sábado 15 de novembro. Ámbolos dous cederon os seus encontros ante o Fortuna Kirol Aukera (sábado 15 de novembro ás 17.00 horas en San Sebastián) e o Doble Imagen - Oleiros (sábado 15 de novembro ás 17.00 horas no Pabillón Alonso Rodríguez de Noia).

Pois xa comezou a liga de primeira división feminina, e non da mellor forma posible. O venres pola noite, tras o entrenamento e unha boa cea, o coxunto feminino partía rumbo a San Sebastián. Logo de viaxar toda a noite chegaban á cidade vasca ás 9 da mañán. Almorzo, paseo pola cidade, comida, siestiña no tatami e todas listas para xogar. Comezaba o partido de maneira favorable para as nosas, que se facían co primeiro set da tempada con relativa facilidade. Pero no segundo set as cousas torcíanse e perdíano tamén fácilmente. Chegaba o terceiro, todas motivadas, e a cousa se poñía apretada ata chegar ó punto 20. Pero chegado este punto, a aceleración por parte das noiesas as fixo perder o set cunha serie de erros consecutivos. Esto non desanimou ás nosas, que saíron de novo á pista con gañas de levarse o set. Punto a punto e con moita igualdade chegan ao 22-22, e chegado este punto, un árbitro que ata entón non o fixera nada mal, decide que quere ter o seu minuto de gloria. Explicareime. Como xa dixemos, o marcador estaba 22-22. Primeiro erro arbitral: a súa atacante de dous pega. Salta Crichi ao bloqueo, pero non bloquea esa bola, senon que o balón bate contra os antebrazos de Crichi (é dicir, peta na rede, todos sabemos que esta xogadora non salta tanto...), pero o señor colexiado decide que non son catro toques. Póñense así 23-22. Segunda xogada: non lle pita unhas dobres clarísimas á colocadora local. A crispación xa é evidente e as xogadoras do equipo protestan, educadamente, eso sí. O árbitro colle unha tarxeta. ¿Para quen é? ¡¡Sorpresa!! É para Leo. ¿Pero que fixo? ¿Insultou ó árbitro? ¡¡Non!! Pasoulle a bola ó recollepelotas dunha patada. Bueno, dicir patada é esaxerado. Pasou a bola co pé. Piii-piii-piiiiiiiiii..... Fin do partido. Volvemos para casa. Gracias, señor árbitro, gracias. Xogaron polo CV Noia: Crichi, Leo, Lucy, Lucía Adán, Lucía Del Río (Líbero), Rocío, Ania, Patri, Pachi e Carolina.


O equipo masculino perdeu contra o equipo de Oleiros por 1-3 cos seguintes parciais: 25-18, 14-25 e 22-25 e 24-26. Xogaron polon Clube voleibol Noia: Chino, Cholo, Tito, Quique, Maki, Moncho, Manu (líbero) - Equipo titular - Ivo e Álvaro. Os de Noia gañaron o primeiro set remontando e con boa actitude gracias a un forte bloqueo e un ataque efectivo. Nos outros sets baixaron o ritmo en recepción e o bloqueo deixou de funcionar e por este motivo o equipo visitante se impuxo obtendo a victoria. O último set foi moi igualado por ambos equipos pero unha mala decisión arbitral fixo que se decantara polo equipo visitante. Encontros de esta xornada: CD Vagalume - Comercial Durán. Descansaron: R+F Magenta Voley Riveira e EMEVE Lab. Nupel. O próximo partido será en Lugo contra o EMEVE o sábado 29 de novembro.

O equipo Xuvenil Feminino xogou o domingo pola mañá (ás 12.00 horas no P. Zona escolar) na cancha do AD Xiria nun encontro no que o equipo local venceu sen complicacións por 3-0 (25-5/25-10/25-3). O próximo encontro será contra o CD Conxo en Santiago o sábado 22 de novembro (hora e pabillón por confirmar).